एजेन्सी । अमेरिकी अभिनेता जेसी स्मोलेटलाई अदालतले प्रहरीसँग झुट बोलेको आरोपमा १५० दिन जेल सजाय सुनाएको छ । स्मोलेटले प्रहरीसँग आफू ‘हेट क्राइम’ को शिकार भएको बताएका थिए ।

३९ वर्षीय पूर्व एम्पायर स्टार डिसेम्बरमा आक्रमणबारे झुटा रिपोर्टहरु बनाएपछि जघन्य अनैतिक आचरणको ५ वटा आरोपमा दोषी ठहर भएका हुन् । यसबाहेक उनलाई ३० महिना खुला कारागारमा बस्नुपर्ने छ र १ लाख ४५ हजार डलर जरिवाना तोकिएको छ ।

स्मोलेटले आफूमाथिका सबै मुद्दा अस्वीकार गरिरहेका छन् । उनले आफूमाथि ३ वर्षअघि दुई व्यक्तिले आक्रमण गरेको भन्दै प्रहरीमा रिपोर्ट गरेका थिए ।

आक्रमणकारीले जथाभावी गाली गरेको, ट्रम्पको नारा लगाएको, आफूमाथि रसायनिक पदार्थ फ्याँकेको र सन् २०१९ जनवरीमा राति हिँडिरहेको बेला घाँटी बाँधेको उनले बताएका थिए ।

उनको रिपोर्टपछि प्रहरीले अनुसन्धान सुरु गरेको थियो । तर फेबु्रअरीमा प्रहरीले घटना झुटो भएको भन्दै स्मोलेटविरुद्ध नै मुद्दा दर्ता गर्यो । यसपछि भएकाे सुनुवाइमा उनी दाेषी ठहरिएका हुन् ।