पल शाहका व्यवस्थापक कृष्ण जोशी पक्राउ

नेपालवाच २०७८ फागुन २७ गते १७:१५

काठमाडौं । एक नाबालिग गायिकालाई बलात्कार गरेको आरोपमा हिरासतमा रहेका अभिनेता पल शाहका व्यवस्थापक कृष्ण जोशी पक्राउ परेका छन् । उनलाई तनहुँ प्रहरीले शुक्रबार पक्राउ गरेको हो ।

नाबालिग बलात्कारको आरोपी शाहका लागि मतियारको काम गरेको आरोपमा उनलाई पक्राउ गरिएको प्रहरीले जनाएको छ ।

जोशीलाई पक्राउ गरेर जिल्ला अदालत तनहुँबाट सात दिनको म्यादसमेत लिइएको छ ।

जोशीले नाबालिग गायिकाविरुद्ध विभिन्न अफवाह फैलाएकाले उनलाई पक्राउ गर्नुपरेको तनहुँ प्रहरीले जनाएको छ ।