काठमाडौं । नेपालमा फोटोग्राफीको आकर्षण बढ्दै जाँदा यसैबाट जीविकोपार्जन गर्नेहरूको सङ्ख्या बढ्न थालेको छ ।

खासगरि पर्यटकीय क्षेत्रहरूमा फोटोग्राफी पेशा अपनाउनेहरू बढी देखिन्छन् । पोखराको फेवाताल आसपासमा पर्यटकको तस्बिर खिचेर केही युवाले मनग्ये आम्दानी गरिरहेका छन् ।

फेवाताल घुम्न आउने पर्यटकका ३ सयभन्दा बढी तस्बिर खिचेर दैनिक ८ हजारसम्म कमाइ भइरहेको फोटोग्राफर लमजुङका सन्तोष गैरेले बताए ।

साढे २ लाख रुपैया जति लगानी गरेर सुरू गर्न सकिने फोटोग्राफी रोजिरोटी मात्र नभइ राम्रो आम्दानीको अवसर पनि बनिरहेको तनहुँका समिर कार्कीको भनाइ छ ।

रोजगारीका लागि विदेश मात्रै नै जानु पर्छ भन्ने नरहेको फोटोग्राफरहरू बताउँछन् । वैकल्पिक बाटो खोज्न सके स्वदेशमै आम्दानी गर्न सकिन्छ । फेवाताल आसपास पर्यटकका तस्बिर खिचेर ३२ जना फोटोग्राफरले राम्रो आम्दानी गरिरहेका छन् ।