काठमाडौं । वीरेन्द्रनगर नगरपालिकाका वडाध्यक्षसहित आठ जनाको परालमा आगो लगाएर भागेका युवकलाई प्रहरीले पक्राउ गरेको छ ।

शनिबार राति ११ बजेतिर खेतमा थुपारिराखेको परालमा आगो लगाएर भागेका सोही वडाका २३ वर्षीय गोविन्द राईलाई प्रहरीले पक्राउ गरेको हो ।

मदिरा सेवन गरी आठ जनाको खेतमा राखेको परालमा आगो लगाएर राई फरार भएका थिए ।

जिल्ला प्रहरी कार्यालय सुर्खेतका अनुसार वीरेन्द्रनगर नगरपालिका–१० का वडाध्यक्ष रत्नबहादुर बुढा, स्थानीय विष्णु गौतम, शविराम चौधरी, भक्तविर चुनारा, गणेश बहादुर थापा, कमल चौधरी, बम बहादुर वि।सी र नरगैया चौधरीको खेतमा राखेको परालमा आगो लागेको थियो ।

आगलागीको उजुरी परेपछि प्रहरीले अनुसन्धान थालेको थियो । अनुसन्धानका क्रममा सोही वडामा बस्ने गोविन्द राईले मदिराको तालमा आगो लगाएके खुल्न आएके थिया । प्रहरीले हिरासतमा राखेकार राईमाथि अनुसन्धान गरिरहेको छ ।