सर्वदलीय बैठकपछि सभामुखले भने, ‘सहमति भए एमसिसी रोक्दिनँ’
काठमाडौं । सभामुख अग्निप्रसाद सापकोटाले दलहरूबीच सहमति भए आफूले अमेरिकी सहयोग परियोजना मिलेनियम च्यालेन्ज कर्पोरेसन (एमसिसी) संसद्मा टेबुल हुनबाट नराक्ने बताएका छन् ।
आज सिंहदरबारमा बसेको सर्वदलीय बैठकपछि प्रतिक्रिया दिँदै उनले यस्तो बताएका हुन् ।
संसद्मा आफू ‘अम्पायर’ मात्रै भएको र निर्णायक भूमिकामा राजनीतिक दलहरू नै रहेको सभामुख सापकोटाको भनाइ थियो ।
साथै, उनले संसद् सञ्चालन गराउनेबारे बैठकमा छलफल भएको जानकारी दिए ।
सर्वदलीय बैठकमा प्रमुख प्रतिपक्षी दल नेकपा (एमाले) भने सहभागी थिएन ।
प्रतिक्रिया