काठमाडौं । अमेरिकी परियोजना एमसिसीविरुद्ध आज बानेश्वर क्षेत्रमा भएको झडपमा फोटो पत्रकार सरोज बस्नेत घाइते भएका छन् । उनी मकालु खबरमा कार्यरत छन् ।

एमसिसीको विरोधमा प्रदर्शन गरिहेका नेकपा (माओवादी केन्द्र)को भ्रातृ संगठन वाइसिएलका कार्यकर्ताले प्रहरीलाई ढुंगा प्रहार गरेका थिए । सोक्रममा तस्बिर खिचिरहेका बस्नेतलाई लागेको थियो ।

बिहानैदेखि तस्बिर संकलनमा खटिएका फोटो पत्रकार बस्नेतको टाउकोमा चोट लागेको छ । सुरुमा नजिकै रहेको मेडिकल पसलमा पुगेर ड्रेसिङ गराएको उनले नेपालवाचलाई जानकारी दिए ।

साथीहरूको सहयोगमा आफू अस्पताल गएको उनले बताए ।

साथै, केएमसीमा पनि उपचारपछि अहिले बस्नेत कार्यालय गइसकेका छन् ।