काठमाडौं । एक किशोरी गायिकामाथि बलात्कार गरेको आरोप लागेका अभिनेता पल शाहलाई पक्राउ गर्न नेपाल प्रहरीका पाँच टोली परिचालनक गरिएको छ ।

पीडित गायिकाका बुवाले बुधबार शाहविरुद्ध बलात्कार मुद्दा दर्ता गरेसँगै उनीविरुद्ध प्रहरी परिचालन गरिएको हो ।

जिल्ला अदालत तनहुँले फागुन ११ मा पक्राउ पूर्जी जारी गरेको थियो ।

केन्द्रीय अनुसन्धान ब्यूरो, महानगरीय प्रहरी परिसर काठमाडौं, महानगरीय अपराध महाशाखा, परिसर ललितपुर र जिल्ला प्रहरी कार्यालय तनहुँको टोलीले उनीबारे अनुसन्धान गरिरहेको प्रहरी स्रोतले जनाएको छ ।

अभिनेता शाह अहिले मोबाइल बन्द गरेर बसेको बताइएको छ । उनी अहिले काठमाडौंमै रहेको हुनसक्ने प्रहरीको अनुमान छ ।