काठमाडौं । रुसले किएभ टेलिभिजन टावरमाथि आक्रमण गरेको छ । आक्रमणमा कम्तीमा पाँच जनाको मृत्यु भएको छ भने अरू थप पाँच जना घाइते छन् ।

लक्षित हमला गर्ने चेतावनीबीच रुसले टेलिभिजन टावरलाई निशाना बनाएको हो । टेलिभिजन फुटेजमा टावरबाट धुँवाको मुस्लो आइरहेको देखिन्छ ।

बिबिसी समाचारका अनुसार, आक्रमणपछि टेलिभिजनका केही प्रसारण रोकिएका छन् । सोही आक्रमणबाट यहुदी नरसंहारका पीडितहरूको सम्झनामा बनाइएको एउटा स्मारकमा समेत क्षति पुगेको छ ।

युक्रेनी विदेशमन्त्रीले यसलाई रुसी बर्बरता भनेका छन् ।