काठमाडौं । पछिल्लो समय एकजना गाउँपालिका अध्यक्ष बन्दुक लिएर हिँडेको विषय विभिन्न मिडिया तथा सामाजिक सञ्जालमा भाइरल भइरहेको छ ।

तस्बिरमा एकजना मानिस बन्दुक भिरेर मोटरसाइकलमा हिँडिरहेका छन् । उनको अनुहार भने देखिएको छैन ।

भाइरल भएको तस्बिर जाजरकोटको कुशे गाउँपालिकाका अध्यक्ष हरिचन्द्र बस्नेतको हो । घटना गाउँपालिका–६ स्थित घरंगामा आइतबार भएको हो ।

तर भाइरल भएजस्तो बन्दुक उनी आफैंले नबोकेको खुलेको छ ।

यद्यपि, उक्त बन्दुक अध्यक्ष बस्नेत आफैँको हो । बन्दुक बोक्ने युवक आफ्नै साथी (सहयाेगी) भएको उनले बताएका छन् ।

किन बोकियो बन्दुक ?

आफूसँग बन्दुकको अनुमतिपत्र (लाइसेन्स) रहेको अध्यक्ष बस्नेतले दाबी गरेका छन् ।

उनका अनुसार बन्दुक गाडीमा थियो । गाडी अन्यत्र जाने भएपछि साथीलाई बन्दुक घर पु¥याइदिन उनले आग्रह गरेका थिए ।

उनका साथीले बन्दुक घर पुर्याउँदा उक्त तस्बिर भाइरल बनेको हो ।