मस्को । रुसका राष्ट्रपति भ्लादिमिर पुटिनका कट्टर आलोचक एलेक्सी नाभाल्नीले आइतबार रुसको राजधानी मस्को र देशका अन्य सहरहरुमा युद्धविरोधी प्रदर्शन गर्न आह्वान गरेका छन् ।

‘जनताले युद्धको विरोध गरेमा सनकी पुटिन चाँडै रोकिनेछन्’ नाभाल्नीले इन्स्टाग्राममा लेखेका छन् । ‘सबैजना डराएको जस्तो लागे पनि तपाईं हरेक सप्ताहन्तमा युद्धविरोधी र्यालीमा जानुपर्छ, किनकी तपाई युद्ध र मृत्युविरुद्धको आन्दोलनको मेरुदण्ड हुनुहुन्छ’ उनले लेखेका छन् ।

विरोध अनुगमन समूहका अनुसार यो आक्रमण सुरु भएदेखि नै रुसका दर्जनौं सहरहरूमा युद्ध विरोधी प्रदर्शनमा भाग लिएका १३ हजार ९ सयभन्दा बढी मानिसहरूलाई पक्राउ गरिएको छ ।