काठमाडौं । भन्सार एजेण्ट छनोटका लागि शनिबार तय परीक्षा अन्तिम घडीमा आएर स्थगित भएको छ ।

शनिबार दुई बजेका लागि तय भन्सार एजेण्ट इजाजत पत्रको लिखित परीक्षा भन्सार विभागले स्थगित गरेको हो ।

उच्च अदालत पाटनले आगामी चैत १६ गतेसम्म परीक्षा स्थगित गर्न अल्पकालीन अन्तरिक आदेश जारी गरेकाले परीक्षा स्थगित गरेको विभागले जनाएको छ ।

परीक्षाको अर्को तालिका भने सार्वजनिक गरिएको छैन । विभागका अनुसार, अदालतमा यो मामला किनारा लागेपछि यसबारे सूचना जारी हुनेछ ।