काठमाडौं । मिस वल्र्ड २०२१ को उपाधि पोल्यान्डकी २२ वर्षीया सुन्दरी क्यारोलिना बेइलावस्काले जितेकी छन् । पुर्टोरिकोमा बिहीबार भएको फाइनल राउन्डमा उनले ७० औं विश्व सुन्दरीको ताज पहिरिएकी हुन् । अमेरिकाकी श्री सेनी फर्स्ट रनर अप र पश्चिम अफ्रिकी देश आइभरी कोस्टकी ओलिभिया एस सेकेन्ड रनरअप भएकी छन् ।

सन् २०१९ की विश्व सुन्दरी जमैकाकी टोनी एन सिंहले क्याराेलिनालाई ताज लगाईदिएकी हुन् । मिस वल्र्ड अर्गनाइजेसनका अनुसार, करोलिनाले हाल व्यवस्थापनमा स्नातकोत्तर अध्ययन गरिरहेकी छन् । उनी मोडेल पनि हुन् र मोटिभेसनल स्पिकर बन्ने उसको सपना छ । उनी स्विमिङ, टेनिस र ब्याडमिन्टन खेल्न पनि मन पराउँछिन् ।

मिस वल्र्डको अन्तिम ६ मा अमेरिका, पोल्याण्ड, इन्डोनेसिया, मेक्सिको, उत्तरी आयरल्याण्ड, कोटे डी आइभोर छानिएका थिए । नेपालबाट सहभागी मिस नेपाल नम्रता श्रेष्ठ अन्तिम ३० मा छानिएकी थिइन् ।