महोत्तरी । महोत्तरी जिल्लाको सम्सी गाउँपालिका ६ स्थित सम्सीचोकबाट चैत्र ६ गते सशस्त्र प्रहरीले लागुऔषधसहित दुई जनालाई पक्राउ गरेको छ ।

पक्राउ पर्नेहरूमा सोही ठाउँ बस्ने २१ वर्षका ज्ञानचन्द्र मण्डल र २० वर्षीय शंकरकुमार ठाकुर छन् ।

प्रदेश २०२००४ प ४७०९ नम्बरको मोटरसाइकलमा भारतबाट नेपालतर्फ आउँदै गरेका उनीहरूलाई सशस्त्र प्रहरी बल नेपाल बिओपी सम्सीबाट खटिएको सशस्त्र प्रहरीले पक्राउ गरेको हो ।

शंका लागि जाँच गर्दा उनीहरूको साथमा नाइट्रोभेट ट्याब्लेट १५ वटा र १० ग्राम गाँजा फेला परेको प्रहरीले जनाएको छ । साथै, मोटरसाइकलसमेत बरामद गरिएको छ ।