रुसले कब्जा गरेको क्षेत्र युक्रेनले फिर्ता गर्ने दाबी
काठमाडौं । युक्रेनले रुसीले कब्जा गरेको आफ्नो क्षेत्रहरु फिर्ता लिन सफल हुने दाबी गरेको छ ।
युक्रेनको दाबीपछि अमेरिकी रक्षा मन्त्रालयका प्रवक्ता जोन किर्बीले पत्रकारहरुसँग कुराकानी गर्दै युक्रेनले देशका रक्षाका लागि निकै रचनात्मक तरिकाले लागेको बताएका छन् । उनले भने, ‘हामीले युक्रेन अझै आक्रमक भएको संकेत देखिरहेका छौं । हामीले दक्षिण क्षेत्र खेरसोनमा फिर्ता लिन सफल भएको देखेका छौं ।’
किर्बीले युक्रेनी सुरक्षाबलले जवाफी आक्रमणको तयारी गरिरहेको पनि बताए । ‘युक्रेनीहरुले धेरै बलियो प्रतिरक्षा गरिरहेका छन् । रुसीहरूले कुनै रणनीतिक उद्देश्य हासिल गरेका छैनन्, वा धेरै क्षतिबिना केही हासिल गरेका छैनन् ।’
रुसले युक्रेनमाथि आक्रमण सुरु गरेको झन्डै एक महिना पुग्न लागेको छ । युक्रेनमा लगातार प्रहार गरिरहँदा युक्रेनी बलले यसको डटेर प्रतिरोध गरेको छ । युक्रेनको कुल भूभागको एक चौथाइ क्षेत्रफल रुसले आफ्नो नियन्त्रणमा लिए पनि राजधानी किएभलगायतका स्थान कब्जा गर्न रुसले सकेको छैन ।
ताजा अपडेट
-
सहकारी ठगीमा संसदीय समिति बनाउन सहमति, कानूनमन्त्रीको नेतृत्वमा मस्यौदा कार्यदल गठन
-
राष्ट्रिय परिचयपत्र हुनेले अब लाइसेन्स बोक्नु नपर्ने
-
२५ चालकमाथि चेकजाँच हुँदा ६ जनाले लागुऔषध सेवन गरेर सवारी चलाएको भेटियो
-
नेपाल प्रहरीका चार एसएसपीको डिआइजीमा बढुवा सिफारिस, यही ब्याचबाट आइजिपी हुने
-
ट्रकको ठक्करबाट धादिङमा मोटरसाइकल चालकको मृत्यु
प्रतिक्रिया