बझाङ । बझाङमा एक महिलामाथि जबरजस्ती करणी गरी गहना लुटपाट भएको छ । करणी र लुटपाटमा संलग्नको आरोपमा प्रहरीले दुई जनालाई नियन्त्रणमा लिएको छ ।

गत चैत गते केदारस्युँ गाउँपालिका–५ एक महिलामाथि करणी गरेर लुटपाट गरिएको थियो । जसमा संलग्नको आरोपमा भारतको पश्चिम बंगाल प्रान्त माल्दाका २९ वर्षीय विजय राजवंशी र सन्तान मुर्मु भनिने २२ वर्षीय सनातन मुर्मुलाई नियन्त्रणमा लिइएको हो ।

बझाङका प्रमुख प्रहरी नायब उपरीक्षक ज्ञानबहादुर विष्टका अनुसार दुवै जना कालङ्गा हाइड्रोपावरका मजदुर हुन् ।

महिलामाथि जबरजस्ती करणी गरेर ३ तोला ४ आनाबराबरको सुनको गहना लुटेको जाहेरीका आधारमा उनीहरूलाई पक्राउ गरिएको हो । घटनाबारे थप अनुसन्धान भइरहेको डिएसपी विष्टले बताए ।