काठमाडौं । अभिनेता तथा ज्योतिष हरिहर अधिकारी र अभिनेत्री नीता ढुंगानाले निर्माण गर्न लागेको नयाँ फिल्म ‘ह्रस्वदीर्घ’ को छायांकन भारतमा प्रसिद्ध सिनेमाटोग्राफर कबिर लाले गर्ने भएका छन् ।

नीता फिल्मस्को ब्यानरमा बन्न लागेको फिल्मको ८५ दिनसम्मको सुटिङ सेड्यूअल रहने छ । ‘ह्रस्वदीर्घ’ मा अभिनेत्री नीता ढुंगाना र हरिहर अधिकारीको पनि मुख्य भूमिका रहनेछ । फिल्मको छायांकन भने दसैंपछि हुनेछ ।

नेपाली र हिन्दी भाषामा एकसाथ निर्माण हुने फिल्म नेपाल, भारतको बनारस र युरोपका विभिन्न देशमा छायांकन हुने बताइएको छ । कबीर बलिउड र दक्षिण भारतीय चलचित्र क्षेत्रमा उत्कृष्ट सिनेमाटोग्राफरका रूपमा परिचित छन् ।