आन्तरिक विवादका कारण दाङको मस्जिदमा आक्रमण
काठमाडौं । दाङको एक मस्जिदमा भएको आक्रमण आन्तरिक विवादका कारण भएको खुलेको छ ।
लमहीस्थित सुनन्त फैजाने रजा मस्जिदमा शुक्रबार दिउँसो नमाज पढिरहेको बेला भएको आक्रमणको घटना मस्जिदभित्रकै अर्को पक्षले गरेको खुलेको प्रहरीले जनाएको छ ।
जिल्ला प्रहरी कार्यालय दाङका एसपी सुरेश काफ्लेका अनुसार मस्जिद व्यवस्थापन समितिका अध्यक्ष जमात अलीको राजीनामाको विषयमा विवाद सुरु भएको थियो ।
अर्काे पक्षले उनको राजीनामा माग गर्दै आएको थियो । सोही क्रममा शुक्रबार दुवै समूहबीच चक्कु र इटा प्रहार गरी झडप भएको प्रहरीले जनाएको छ ।
प्रतिक्रिया