काठमाडौं । सांघाई केयर होममा एक वृद्ध बिरामीलाई मृत जीवितै शव वाहनमा राखिएको भिडियो सार्वजनिक भएपछि चिनियाँ जिल्ला प्राधिकरणले चार अधिकारीलाई बर्खास्त गरेको छ ।

शवगृहमा काम गर्ने दुई व्यक्तिले शवलाई गाडीमा राखेको एउटा भिडियो आइतबार इन्टरनेटमा सार्वजनिक भएको थियो । भिडियोमा कर्मचारीहरुले शव राखेको झोला खोल्दै हेरेर बिरामी अझै जिउँदै छ भनेको सुनिन्थ्यो । यो घटनाले चिनियाँ सामाजिक सञ्जालमा आक्रोश मच्चाएको छ ।

सांघाई जिल्लाको पुटुओ सहरका अधिकारीहरूले सोमबार अबेर घटनाको पुष्टि गर्दै बिरामीलाई अस्पताल लगिएको र अवस्था स्थिर रहेको बताए । जिल्ला अधिकारीहरुले पाँच जना अधिकारी र एक डाक्टरको परीक्षण भइरहेको बताएका छन् ।

स्थानीय नागरिक मामिला ब्यूरोका उपनिर्देशक र केयर होमका निर्देशकसहित चारजना कर्मचारीलाई बर्खास्त गरिएको छ ।

टियान नामका डाक्टरको मेडिकल लाइसेन्स खारेज गरिएको छ ।