काठमाडौं । स्याङ्जाको गल्याङ नगरपालिकाको मेयर र उपमेयर दुवैमा कांग्रेस उम्मेदवारले अग्रता बनाएका छन् ।

प्राप्त पछिल्लो मत परिणामअनुसार नेपाली कांग्रेसका मेयरका उम्मेदवार गुरुप्रसाद भट्टराईले एमालेका सूर्यप्रसाद गैरे (पारस)लाई ६९८ मतले पछाडि पारेका छन् । उनीहरूले क्रमशः ७ हजार ६१८ र ६ हजार ८८३ मत हासिल गरेका छन् ।

उपप्रमुखमा अहिलेसम्म हेमा न्यौपानेको अवस्था सुदृढ छ । उनले ७ हजार २२३ मत हासिल गर्दा उनलाई एमालेकी देवीसरा थापाले ७ हजार ३६ मतका साथ पछ्याइरहेकी छन् ।

गल्याङमा हालसम्म वडा नं. १, २, ३, ४, ५, ६, ७ र ८ वडाको गणना सम्पन्न भइसकेको छ । वडा नं. ९ मा अहिले गणना जारी छ भने बाँकीमा पनि तयारी गरिएको छ ।