काठमाडौं । नेपाल फाइनान्स लिमिटेडले हकप्रद सेयर निष्काशन गर्ने भएको छ । फाइनान्सले ७० प्रतिशत हकप्रद सेयर भोलि (शुक्रबार) देखि बिक्री खुलाउने भएको हो ।

उक्त हकप्रद सेयरका लागि फाइनान्सले बैशाखमा नै बुक क्लोज गरिसकेको छ ।

फाइनान्सले १।०७ को अनुपातमा ३४ लाख ५४ हजार ४७४ कित्ता हकप्रद सेयर निष्काशन गर्न लागेको जनाएको छ । लगानीकर्ताले जेठ २६ गतेसम्म हकप्रद सेयरमा आवेदन दिन सक्नेछन् । उक्त हकप्रद सेयरमा लगानीकर्ताले धितोपत्र बोर्डबाट अनुमति प्राप्त सि आस्वा सेवा लिएको बैंक तथा वित्तिय संस्थाबाट आवेदन दिन सक्नेछन् भने मेरो सेयरको मोबाइल एपबाट पनि आवेदन दिन सक्ने कम्पनीले जनाएको छ ।

हकप्रद सेयरको बिक्री प्रबन्धकमा प्रभु क्यापिटल रहेको छ ।