गल्छी–त्रिशूली सडक खण्डमा प्रदर्शन, आवागमन ठप्प
काठमाडौं । स्थानीयले गल्छी–त्रिशूली सडक खण्ड अवरुद्ध गरेका छन् । निर्माण पूरा भएको पुल सञ्चालन र सडक पिचको माग राख्दै स्थानीयले अहिले बिहानबाट प्रदर्शन गरेका हुन् ।
स्थानीयले गल्छी गाउँपालिकाअन्तर्गतको सडक अवरुद्ध गर्दा बिहानैदेखि दुवैतर्फका सवारी आवागमन प्रभावित भएको छ ।
अत्यावश्यकीय सवारी साधनमा भने स्थानीयले समस्या झेलेका छन् ।
नुवाकोट र रसुवाको मुख्य सडक मार्ग अवरोध भएपछि स्थानीयले हैरानी पाएका छन् ।
गल्छी गाउँपालिकाको महेशखोलामाथि ८ महिनाअघि नै पुल निर्माण भइसके पनि अहिलेसम्म सञ्चालनमा आउन सकेको छैन । त्यस्तै त्यस वरपरको सडक पिच गर्नसमेत ढिलाइ भइरहेको छ ।
प्रतिक्रिया