काठमाडौं । सरकारले एक करोड रूपैयाँभन्दा माथिको घरजग्गा खरिदबिक्रीमा अब सूक्ष्म निगरानी गर्ने भएको छ ।

सम्पत्ति शुद्धीकरण तथा आतंकवादी क्रियाकलापमा वित्तीय लगानीसम्बन्धी राष्ट्रिय जोखिम मूल्यांकन प्रतिवेदनले लागूपदार्थ, हतियार, खरिदबिक्रीलगायतबाट आर्जेको रकम उपयोग हुन सक्ने भन्दै घरजग्गा क्षेत्र पनि सम्पत्ति शुद्धीकरणको दृष्टिकोणले जोखिमपूर्ण रहेको पहिल्याएको थियो । यसकै आधारमा भूमि व्यवस्थापन तथा अभिलेख विभागले सोमबार घरजग्गा खरिदबिक्रीमा पनि सम्पत्ति शुद्धीकरण तथा आतंकवादी क्रियाकलापमा वित्तीय लगानी निवारणसम्बन्धी निर्देशिका जारी गर्दै उक्त व्यवस्था गरेको हो ।

सम्पत्ति शुद्धीकरण निवारण ऐन, २०६४ मा जोखिममा आधारित प्रणाली अवलम्बन गर्न प्राथमिकता दिइएकाले तत्कालका लागि विभागले एक करोड वा सोभन्दा बढी रकमको घरजग्गा खखरिदबिक्रीमा निगरानी गर्ने, गराउने जनाएको छ । आजको कान्तिपुर दैनिकमा खबर छ ।