असारदेखि भदौ मसान्तसम्म सडक खन्न निषेध
काठमाडौं । आगामी असार १ गतेबाट तीन महिना सडक विभागमातहतका सडक खन्न तथा खोस्रन नपाइने भएको छ ।
सडक विभागअन्तर्गतको संघीय सडक सुपरिवेक्षण तथा अनुगमन कार्यालयले गुणस्तर बिग्रन नदिन आगामी असार १ देखि भदौ मसान्तसम्म सडक खन्न स्वीकृति नदिने नीति अख्तियार गरेको हो ।
वर्षायाममा धारा, ढल, बिजुली, टेलिफोनलगायत प्रयोजनका लागि खनिएको सडक तत्काल मर्मत गरी यथास्थितिमा ल्याउन नसकिने र यसले सडकको गुणस्तर थप खस्किने भएकाले विभाग मातहतका सडकमा यस्तो नियम लागू गरिएको अनुगमन कार्यालयले जनाएको छ ।
विभागको स्वीकृतिबेगर कसैले सडक खनेको पाइएमा सार्वजनिक सडक ऐन, २०३१ अनुसार कारबाही गरिने चेतावनी पनि अनुगमन कार्यालयले दिएको छ ।
‘… कसैले जबरजस्ती सडक खनेको पाइएमा सार्वजनिक सडक ऐन, २०३१ अनुसार कडा कारबाही गरिने बेहोरा सम्बन्धित सबैको जानकारीका लागि अनुरोध छ,’ जारी सूचनामा भनिएको छ ।
ताजा अपडेट
-
गणतन्त्र दिवस मौलिकरूपमा मनाउन प्रधानमन्त्रीको निर्देशन
-
अब कांग्रेसले गिरिबन्धु टी स्टेटको मुद्दा पनि संसदमा उठाउने
-
नवलपरासीमा प्रदेश सरकारका दुई कार्यालय थपिँदै
-
नीति तथा कार्यक्रम प्रस्तुत गर्न दिन कांग्रेस सहमत, सरकारलाई राहत
-
पोखरीमा पानी संकलन गरेर सागसब्जी फलाउँदै कैलालीका किसान
प्रतिक्रिया