काठमाडौं । भारतीय पक्षले एक्स्काभेटर प्रयोग गरी कुलो, नहर खनेर पानीको बहाव नेपालतर्फ फर्काउने प्रयास सशस्त्र प्रहरी टोलीले असफल बनाइदिएको छ ।

मंगलबार मध्यरात महोत्तरीको जलेश्वर नगरपालिका–३, खैरागाउँबाट दक्षिण भारतको सीतामढी जिल्ला श्रीखण्डी ग्राम पञ्चायत ४ का स्थानीयले पानीको वहाव नेपालतर्फ फर्काउने प्रयास गरेका थिए । तर कुलो सीमा सुरक्षार्थ तैनाथ सशस्त्र प्रहरीको टोलीले भत्काएर पुरानै अवस्थामा कायम गरेको छ ।

भारतले कुलो खनेको स्थान नेपाल–भारत सहायक सीमा स्तम्भ ३००÷६ (४) नम्बरबाट तीन मिटर भित्र पर्छ । भारतीयले खनेको कुलो कायम रहने हो भने त्यहाँबाट पानी एकत्रित भई नेपालतर्फै फर्किंन्छ । तर सशस्त्रले कुलोको स्थान पुरेपछि अहिलेलाई पानीको बहाव छेकिएर नेपालतर्र्फै फर्किंने सम्भावना टरेको छ । कान्तिपुर दैनिकमा खबर छ ।