काठमाडौं । व्यवसायी इच्छाराज तामाङ प्रकरणबारे निर्णय गर्न बोलाइएको न्यायपरिषद्को बैठक परिषद्को कार्यालय रामशाहपथमा सुरु भएको छ ।

ठगीको आरोपमा थुनामा रहेका व्यवसायी इच्छाराजको मुद्दा मिलाउनका लागि काठमाडौं जिल्ला अदालतका न्यायाधीश राजकुमार कोइराला र अधिवक्ता रुद्र पोखरेलबीच भएको छलफलको अडियो बाहिरिएपछि त्यसबारे छलफल गर्न बोलाइएको न्यायपरिषद्को बैठक बसिरहेको हो ।

इच्छाराज प्रकरणमा मुछिएका न्यायाधीशले दिए स्पष्टीकरण

बैठकमा कायममुकायम प्रधानन्यायाधीश दीपककुमार कार्की, सर्वोच्चका वरिष्ठतम न्यायाधीश हरिकृष्ण कार्की, कानुनमन्त्री गोविन्दप्रसाद शर्मा कोइराला र न्यायपरिषद्का सदस्यद्वय रामप्रसाद श्रेष्ठ र रामप्रसाद भण्डारी उपस्थित छन् ।

न्यायपरिषद् बैठकमा अडियोमा नाम मुछिएका निलम्बित प्रधानन्यायाधीश चोलेन्द्रशमशेर जबराको भूमिकाबारे पनि छलफल हुने बताइएको छ । साथै, प्रकरणका मुख्य पात्र काठमाडौं जिल्ला अदालतका न्यायाधीश कोइराला र अर्का न्यायाधशि अम्बिकाप्रसाद निरौलाको भूमिकामाथि पनि छलफल हुने बताइएको छ ।

बैठकले इच्छाराज प्रकरणमा मुछिएका जिल्ला न्यायाधीशबारे ठोस निर्णय लिन सक्ने बताइएको छ ।

न्यायाधीश–वकिल घुस बार्गेनिङबारे छलफल गर्न न्यायपरिषद बैठक बस्दै