काठमाडौं । निजामती सेवाको आकर्षण र स्थायी करिअर छाडेर कतिपय कर्मचारी भन्सार एजेन्टमा नियुक्त भएका छन् ।

बुधबार भन्सार विभागले ६६० भन्सार एजेन्ट नियुक्तिको अन्तिम सूचना प्रकाशन गर्दा तीन दर्जनभन्दा बढी बहालवाला निजामती कर्मचारी छन् ।

भन्सार विभाग स्रोतका अनुसार निजामतीको करिअर छाडेर अधिकृतस्तरकै कर्मचारी पनि भन्सार एजेन्ट बनेका छन् । छनोट भएकामध्ये केही निजामती कर्मचारी रहेको भन्सार एजेन्ट छनोट समितिका सदस्यसचिव मानबहादुर पौडेलले बताए ।

यकिन संख्या नभए पनि कम्तीमा तीन दर्जनभन्दा बढी कर्मचारी भन्सार एजेन्टमा नियुक्त भएका छन् । उनीहरूमध्ये अधिकांश राजस्व तथा भन्सारकै कर्मचारी हुन् । बहालवाला कर्मचारी भन्सार एजेन्टमा नियुक्त हुन पाउने या नपाउने भन्ने अन्योलबीच उनीहरू नियुक्त भएका हुन् । आजको नयाँ पत्रिका दैनिकमा खबर छ ।