काठमाडौं । फेब्रुअरीको अन्त्यमा रुसले युक्रेनमा आक्रमण गरेपछि पूर्वी ब्ल्याक सीको प्रभुत्वको लागि एउटा सानो युक्रेनी टापु नियन्त्रणका संघर्ष गरेको रुसी फौज त्यहाँबाट पछाडि हटेको छ । रणनीतिक हिसाबमा महत्त्वपूर्ण रहेको स्नेक आइल्यान्डमा युक्रेनी प्रतिरोधका रुसी सेना हटेको दाबी युक्रेनले गरेको छ ।

संयुक्त राष्ट्र संघलाई युक्रेनबाट कृषि उत्पादन ढुवानी गर्न मानवीय मार्ग प्रशस्त गर्न आफ्ना सेना त्यहाँबाट निकालेको रुसले जनाएको छ ।

स्नेक आइल्यान्ड एक वर्ग किलोमिटरभन्दा पनि सानो छ । स्नेक टापु युक्रेनको किनारबाट ४० किलोमिटरको दुरीमा रहेको छ ।

युद्ध सुरु भएसँगै रुसी पानीजहाजविरुद्ध युक्रेनी सेनाहरु लडेका कारण चर्चित भएको स्नेक आइल्यान्डबाट रुस पछि हट्नुलाई महत्वपूर्ण घटनाका रुपमा लिइएको छ ।

स्नेक आइल्यान्ड युक्रेनका रुसले नाकाबन्दी लगाएर खाद्यान्न निर्यात रोकेको ब्ल्याक सिको ओडेसासहित अन्तिम तीन बाँकी व्यावसायिक बन्दरगाहमा पानी नियन्त्रण गर्नका लागि पनि महत्वपूर्ण छ ।