काठमाडौं । ज्योति गुरुङको ‘मेरो ड्याडी’ गीतको भिडियो सार्वजनिक भएको छ । गीतमा गायिका सुनिता दुलाल र बाल गायक सुप्रिम मल्ल ठकुरीले स्वर दिएका छन् ।

गंगाराज राईको संगित रहेको उक्त गीतमा अभिनेता पुष्प खड्का र मोडल सारिका केसीको अभिनय रहेको छ । गीतको भिडियोलाई मौसम हिमालीले निर्देशन गरेका हुन् ।

शुक्रबार जेजी क्रियशन युट्युब च्यानलमार्फत गीतको भिडियो सार्वजनिक गरिएको थियो । नवराज उप्रेतीले छायाँकन गरेको भिडियोलाई राजकुमार श्रेष्ठले सम्पादन गरेका हुन् ।