श्रीलंकामा संकटकाल घोषणा, प्रधानमन्त्री कार्यवाहक राष्ट्रपतिमा नियुक्त

अमेरिकी आक्रमणपछि इरान-अमेरिका तनाव थप चर्कियो

श्रीलंकामा संकटकाल घोषणा, प्रधानमन्त्री कार्यवाहक राष्ट्रपतिमा नियुक्त

नेपालवाच २०७९ असार २९ गते १४:१३

काेलम्बो । श्रीलंकाका प्रधानमन्त्री रनिल विक्रमसिङ्घेलाई कार्यवाहक राष्ट्रपतिमा नियुक्त गरिएको छ । संसद्‌का सभामुखले बताएअनुसार संविधानको धारा ३७ को १ अन्तर्गत राष्ट्रपति गोटाबाय राजपाक्षेले उनलाई नियुक्त गरेको जानकारी आफूलाई गराएको ती अधिकारीले बताएका छन् ।

यसबारे राजापक्षे आफैंले कुनै सार्वजनिक घोषणा गरेका छैनन् ।

केही दिनदेखि सबै घोषणाहरू संसद्‌का सभामुख र प्रधानमन्त्री कार्यालयबाट आएका छन् । यसअघि विक्रमसिङ्घेले देशमा संकटकाल घोषणा गरेका थिए । प्रधानमन्त्रीको कार्यालयका अनुसार देशको पश्चिमी प्रान्तमा निषेधाज्ञा पनि जारी गरिएको छ ।