काठमाडौं । गायक बिकु क्षेत्रीको स्वरमा ‘दूधको साक्षी बिरालो’ बोलको म्युजिक भिडियो सार्वजनिक भएको छ । गीतमा क्षेत्रीलाई गायिका मेलिना राईले साथ दिएकी छन् ।

दीपक शर्माले सङ्गीतबद्ध गरेको यस गीतलाई उदयराज पौडेलले सङ्गीत संयोजन गरेका हुन् । म्युजिक भिडियोमा सरोज अधिकारी र आश्मा विश्वकर्माको अभिनय रहेको छ । गीतकार इँटाघरेको निर्देशनमा उक्त भिडियो तयार पारिएको हो ।

रोशन विकले कोरियोग्राफी रहेको यस भिडियोमा नवराज उप्रेतीको छायाँकन रहेको छ । भिडियोलाई टेकेन्द्र शाहले सम्पादन गरेका हुन् । भिडियो युनिकर्न मोशन पिक्चर्स नामक युट्युब च्यानलमार्फत सार्वजनिक भएको छ ।

यसअघि गायक क्षेत्रीको स्वरमा रहेको ‘जाऊ हिँड’, ‘दिल खोलेर भनन’ लगायत म्युजिक भिडियो सार्वजनिक भइसकेका छन् ।