काठमाडौं । नेकपा (एमाले)का अध्यक्ष केपी शर्मा ओलीले अब ग्यासका पाइप नभएर बिजुलीका तार नै चुलोमा पुर्याउनुपर्ने आवश्वकता रहेको बताएका छन् ।

बागमती प्रदेशस्तरी भेला तथा प्रशिक्षण कार्यक्रमलाई आज काठमाडौंमा सम्बोधन गर्दै यस्तो बताएका हुन् ।

‘अब ग्यासका पाइप चुलोमा लैजानुपर्ने आवश्यकता छैन । अब ग्यास चाहिन्न, बिजुलीका तारै पु¥याइन्छ,’ उनले भने ।

पानीका पाइपचाहिँ लान सकिने तर ग्यासको पाइप लान नसकिने भन्ने प्रश्न नै नउठ्ने ओलीले स्पष्ट पारे ।

‘साना–साना पाइप चुलोमा नभएर हामीले पेट्रोलियम पाइपलाइन नै बनायौं । भारतबाट अमलेखगञ्जसम्म ठूला पाइप जोडेर पेट्रोलियम पदार्थ झारियो,’ उनले भने ।

प्रशिक्षण कार्यक्रममा पूर्वप्रधानमन्त्रीसमेत रहेका ओलीले आगामी चुनावबाट एमाले सरकारमा फर्किनुपर्ने बताउँदै त्यसको तयारी गर्न कार्यकर्ताहरूलाई निर्देशनसमेत दिए ।