भाजपाका मेघालय उपाध्यक्ष पक्राउ, फार्म हाउसमा सेक्स र्याकेट चलाएको आरोप
काठमाडौं । भारतीय जनता पार्टीका मेघालय उपाध्यक्ष बर्नार्ड एन माराक आफ्नो फार्म हाउसमा सेक्स र्याकेट चलाएको आरोपमा पक्राउ परेका छन्।
समाचार एजेन्सी पिटिआईका अनुसार उनको गिरफ्तारी मंगलबार भएको हो । पश्चिम गारो हिल्स जिल्लाका प्रहरी सुपरिटेन्डेन्ट विवेकानन्द सिंहले बर्नार्ड एन मारक उर्फ रिम्पुलाई उत्तर प्रदेशको हापुरबाट पक्राउ गरिएको जनाएका छन् । उनलाई तुरा ल्याउन अहिले प्रहरी टोली पठाइएको छ ।
विवेकानन्दका अनुसार, मेघालयका अधिकारीहरूले उनीविरुद्ध लुक आउट नोटिस जारी गरेका थिए । त्यसलाई पछ्याएर उनलाई पक्राउ गरिएको हो ।
सुरुमा उनलाई हापुडको अदालतमा पेश गरिनेछ र त्यसपछि तुरामा ल्याइनेछ।
शनिबार प्रहरीले पूर्व चरमपन्थी नेता बर्नार्ड एन माराकको वेस्ट गारो हिल्स जिल्लाको तुरास्थित फार्म हाउसमा छापा मारेको थियो। प्रहरीका अनुसार फार्म हाउसमा सेक्स र्याकेट चलिरहेको थियो, जहाँबाट प्रहरीले ६ नाबालिगको उद्धार गरेको थियो भने ७३ जनालाई पक्राउ गरेको थियो ।
पश्चिम गारो हिल्स प्रहरीका अनुसार जेठ २२ गते साँझ ६ बजे फार्महाउसमा छापा मारिएको थियो जुन भोलिपल्ट बिहान ५ बजेसम्म चलेको थियो ।
प्रहरीले आफ्नो प्रेस विज्ञप्तिमा तीन तले भवनमा सेक्स र्याकेट चलिरहेको बताएको छ । यस भवनमा, दुई तल्ला तहखानेमा थिए, जसमा लगभग ३० वटा साना कोठाहरू थिए। प्रहरी त्यहाँ पुग्दा धेरै केटा–केटीहरु खुलेआम मदिरा सेवन गरिरहेका थिए । कोही गाडीभित्र लुगा लगाएर बसेका थिए ।
प्रहरीले फार्म हाउसबाट ३६ थान सवारी साधन, ४७ मोबाइल फोन, १ लाख ६८ हजार २६८ एमएल मदिरा, ५ सय कण्डम र अन्य आपत्तिजनक सामान बरामद गरेको थियो ।
प्रतिक्रिया