काठमाडौं । सत्ता गठबन्धनमा दलहरूले आसन्न प्रतिनिधिसभाको निर्वाचनका लागि सिट बाँडफाँटमा आ–आफ्नो दाबी पेश गरेका छन् ।

बिहीबार सिट बाँडफाँटका लागि बनेको कार्यदलको बसेको बैठकमा गठबन्धनमा रहेका पाँच दलले आ–आफ्नो दाबी राखेका हुन् ।

कार्यदलका सदस्यसमेत रहेका राष्ट्रिय जनमोर्चाका नेता हिमलाल पुरीका अनुसार कांग्रेसले १०० सिट मागेको छ ।

यस्तै, माओवादी केन्द्रले ६०, एकीकृत समाजवादीले ४०, जनता समाजवादी पार्टीले ३२ र राष्ट्रिय जनमोर्चाले २ सिट दाबी गरेको छ ।

‘कुन दलको कस्तो स्थिति कस्तो छ भन्ने छलफल गरेर एउटा टुंगोमा पुग्नेछौं,’ बालुवाटारमा बसेको बैठकपछि जानकारी दिँदै उनले भने ।

बैठकमा राष्ट्रपति विद्यादेवी भण्डारीको सम्भावित कदमका विषयमा पनि छलफल भएको बताइएको छ ।

राष्ट्रपतिले पूर्वप्रधानसेनापति लगायतसँग गरेको भेटघाट क्षेत्राधिकारभन्दा बाहिरको भएको गठबन्धनमा आबद्ध नेताहरूले बताएका छन् ।

राष्ट्रपतिको पछिल्लो सक्रियता अस्वाभाविक : सत्ता गठबन्धन