काठमाडौं । सिट बाँडफाँट टुंग्याउन भनेर बसेको सत्ता गठबन्धनका शीर्ष नेताहरूको बैठक आज पनि निष्कर्षमा पुग्न सकेन ।

बिहान १० बजेदेखि बालुवाटारमा बसेको बैठक निर्णयको नजिकमा पुगेको तर सहमति भइनसकेको सञ्चारमन्त्रीसमेत रहेका सिट बाँडफाँट कार्यदलका सदस्य ज्ञानेन्द्रबहादुर कार्कीले जानकारी दिए ।

एउटै सिटमा दोहोरो–तेहेरो दाबी छ । तर, सबैले लचिलो हुनुको विकल्प छैन,’ बैठकबाट बाहिरिँदै उनले भने ।

कार्यदल र शीर्ष नेताहरूको बैठक पटक–पटक बसिरहेको छ । तर, सहमति जुट्न सकिरहेको छैन ।