काठमाडाैं । नेपाल स्टक एक्सचेञ्ज (नेप्से) मा २ लघुवित्तको सेयर कारोबार रोक्का भएको छ । नेप्सेमा साना किसान विकास लघुवित्त वित्तीय संस्था र आरएमडिसी लघुवित्त वित्तीय संस्थाको शेयर कारोबार रोक्का भएको हो ।

यी दुई लघुवित्तले एकआपसमा मर्जमा जाने सम्झौता गरेसँगै सेयर कारोबार रोक्का भएको हो । दुबै संस्थाले गत शुक्रबार मर्जर समबन्धि सम्झौतामा हस्ताक्षर गरिसकेका छन् ।

सम्झौतामा साना किसान विकास लघुवित्त वित्तीय संस्थाको तर्फबाट अध्यक्ष खेमबहादुर पाठक र आरएमडिसी लघुवित्त वित्तीय संस्थाको तर्फबाट अध्यक्ष सुजाता जोशीले हस्ताक्षर गरेका छन् ।

आरएमडीसी लघुवित्त वित्तीय संस्थाको १०० शेयरलाई मर्जरपछि ८७ शेयर (१००:८७) कायम हुने गरी शेयर आदान प्रदान अनुपात (स्वाप रेसियो कायम गर्ने समेत सहमति भएको छ । मर्जरपछि यस लघुवित्त वित्तीय संस्थाको पुँजी कोष रु। ७ अर्बभन्दा बढी हुनेछ भने लगानीमा रहेको कर्जा करिब ४३ अर्ब रुपैयाँ पुग्नेछ । मर्जर पछि बन्ने कम्पनीको नाम साना किसान आरएमडीसी लघुवित्त वित्तीय संस्था लिमिटेड कायम हुने भएको छ।