काठमाडौं । एमालेले दिएको टिकटलाई लत्याउँदै प्रभु साहले स्वतन्त्रमा उम्मेदवारी दर्ता गराएका छन् । रौतहट ३ बाट एमालेबाट उठ्ने तयारी भए पनि साहले स्वतन्त्र उम्मेदवारी दर्ता गराएका हुन् ।

साह पूर्व माओवादी हुँदै एमालेमा पुगेका नेता हुन् । एमालेले जसपासँग चुनावी तालमेल गरेपछि आक्रोशित बनेका साहले अन्ततः एमालेलाई अस्वीकार गर्दै स्वतन्त्रबाट उम्मेदवारी दर्ता गराएका हुन् ।

उनको स्वतन्त्र समूहले रौतहटका अन्य क्षेत्रमा पनि उम्मेदवारी दर्ता गराएको छ ।

एमालेबाट टिकट लिएपछि जसपाको बचाउमा आफू पनि लाग्नुपर्ने भन्दै उनले यस्तो नगर्ने मनसायले स्वतन्त्र रुपमा उम्मेदवारी दिएको बताएकाह हुन् । मधेसमा साम्प्रदायिकता र भ्रष्टाचार गर्नेसँग मिलेर जान नसक्ने भन्दै आफू स्वतन्त्रबाट अघि बढेको उनले बताएका छन् । मधेस नै जसपाको जिम्मा लगाउने निर्णय पार्टीले गरेपछि आफू एमालेबाट उम्मेदवार बन्न नसकेको उनको भनाई छ ।

साहले २०७४ सालमा भने माओवादीबाटै चुनाव जितेका थिए । तर एमाले र माओवादी विभाजन भएपछि उनी एमालेतिरै बसेका थिए ।