काठमाडौं । सत्ता गठबन्धनका उम्मेदवार राजु गुरुङले सर्वोच्च अदालतमा रिट दायर गरेका छन् । निर्वाचन आयोगले उम्मेदवारी खारेज गरिदिएपछि उनले बिहीबार सर्वोच्चमा रिट दायर गरेका हुन् ।

नेकपा (एकीकृत समाजवादी)बाट उम्मेदवारी दर्ता गराएका गुरुङको बैंकिङ कालो सूचीमा नाम देखिएको भन्दै निर्वाचन अधिकृतको कार्यालयले मंगलबार राति साढे ११ बजे सूचना निकालेर उम्मेदवारी खारेज गरेको थियो ।

अदालतमा विचाराधिन मुद्दालाई आधार बनाएर प्रक्रिया नै पूरा नगरी उम्मेदवारी खारेज भएकाले न्याय पाउ भन्दै उनले अदालतमा उजुरी दिएको सर्वोच्चका प्रवक्ता विमल पौडेलले जानकारी दिए ।