NepalWatch

News Portal For Eeverything In Nepal from Nepal

२०८० चैत १५ गते

एनआरएनद्वारा ‘जाऊँ गुरु’ एप सञ्चालनमा

काठमाडौं । राइड सेयरिङ सुविधासहित एनआरएनले नयाँ एप बजारमा ल्याएको छ । एनआरएन लगार्नीकर्ताले आधुनिक फिचर्सहित जाऊँ गुरु एप सार्वजनिक गरेको हो । यस एपको फिचर्समा लोकेसन सेयर, प्रमाणीकरण,जीपीएस, ट्रयाकिङ, २४ घण्टासेवा र कल सेन्टर रहेका छन् ।

प्रयोगकर्ताले भुक्तानीका लागि खल्तीलगायतका एपमार्फत अनलाइन भुक्तानी गर्न सक्ने एनआरएनले जनाएको छ । उक्त एपमा बाइक, ट्याक्सी, पानी ट्यांकी, मिनी ट्रक, बाइक डेलिभर र जिप भाडामा लिनसक्ने व्यवस्था छ ।

त्यस्तै, चालकको लागि कम कमिसन, २४ घण्टा सेवा तथा चालक बिमालगायतको सुविधा रहेको छ । जाउँ गुरु प्रालिका अध्यक्ष इन्द्रहाङ लिङ्देनले यातायातसम्बन्धी सेवा लिन अहिले २,३ वटा एप डाउनलोड गर्नुपरेकोमा अब एकै एपबाट सबै सेवा लिन सकिने बताए ।