काठमाडाैं । साताको पहिलो कारोबार दिनदेखि नेप्से ओरालो लाग्ने क्रम जारी छ । नेपाल स्टक एक्सचेञ्ज (नेप्से) का अनुसार बुधबार नेप्से परिसूचक १२.८१ अंक घटेर १८४५.५१ विन्दुमा झरेको छ ।

बुधबार कुल २१६ स्टकको २० हजार २७४ पटकको कारोबारमा २१ लाख ५१ हजार कित्ता शेयर खरिदबिक्री  हुँदा ६४ करोड ३६ लाख ७ हजार कित्ता शेयर कारोबार भएको छ ।

बुधबार १३ उपसमूहमध्ये २ उपसमूहको परिसूचक बढेको छ भने बाँकी उपसमूहको परिसूचक घटेको छ ।

आज होटल तथा पर्यटन उपसमूहको परिसूचक सर्वाधिक १.५६ प्रतिशत बढेको छ भने म्युचुअल फण्डको ०.१८ प्रतिशत बढेको छ । यता वित्त उपसमूहको परिसूचक सर्वाधिक २.५४ प्रतिशत घटेको छ । त्यस्तै, विकास बैंक, जलविद्युत र अन्य उपसमूहको परिसूचक १ प्रतिशतभन्दा बढी घटेको छ ।

बुधबार तीन स्टकको सेयरमा सकारात्मक सर्किट लेभलमा कारोबार भएको छ । आज अभियान लघुवित्त वित्तीय संस्था, सयपत्री हाइड्रोपावर र सिटिजन्स म्युचुअल फण्ड २ को सकारात्मक सर्किट लेभलमा कारोबार भएको छ ।

कारोबार रकमका आधारमा यस दिन सोल्टी होटल शीर्ष स्थानमा रहेको छ । होटलको ३ करोड ७२ लाख १२ हजार रुपैयाँ बराबरको सेयर कारोबार भएको छ। त्यसैगरी नबिल बैंकको २ करोड ४१ लाख ५१ हजार, रिडी हाइड्रोपावर २ करोड ३३ लाख ४९ हजार, हिमालयन डिष्टजरी १ करोड ८६ लाख ६४ हजार र एनआइसी एशिया १ करोड ४४ लाख १२ हजार कारोबार भइ शीर्ष पाँचमा प्रवेश गरेका छन् ।