काठमाडौं । राष्ट्रिय ध्वजावाहक नेपाल वायुसेवा निगमको जहाज टायर पश्चिम आफ्रिकाको माली पुगेर पन्चर भएको छ ।

बुधबार राति नेपाली सैनिक लिएर काठमाडौंबाट मालीका लागि उडेको जहाज यस्तो समस्या आएपछि उतै ग्राउण्डेड भएको हो । जहाजको ल्याण्डिङ गियरको टायर पन्चर भएको हो ।

निगमका एक अधिकारीले बताएअनुसार काठमाडौंबाट दाेहा, दाेहाबाट चाड र चाड हुँदै माली पुगेको जहाजको त्यहाँ पुग्नेवित्तिकै टायर ब्रस्ट भएको हो । निगमले हालसम्म जगेडा टायरर पठाउन नसकेका कारण जहाज उतै अलपत्र छ ।

जहाज ग्राउण्डेड भएसँगै नेपाल फर्किन ठिक्क परेका ७५ जना सैनिक उतै अलपत्र परेका छन् । यो चार्टर उडानम सैनिकसँगै चारजना पाइलट, दश क्याबिन क्रु, ६ जना प्राविधिक र अन्य २० जना कर्मचारी सवार छन् ।