काठमाडौं । नेपाली बजारमा मंगलबार सुनको मूल्य प्रतितोला एक सय रुपैयाँले बढेर ९३ हजार एक सय रुपैयाँमा कारोबार भइरहेको सुनचाँदी व्यवसायी महासंघले जनाएको छ ।

सोमबार छापावाल सुनको मूल्य स्थिर रही आइतबारकै मूल्य अर्थात ९३ हजार रुपैयाँमा कारोबार भएको थियो । त्यस्तै, आज तेजावी सुन तोलामा ९२ हजार ६०० रुपैयाँ र चाँदी तोलामा १५ रुपैयाँले बढेर १२ सय १५ रुपैयाँमा कारोबार भइरहेको छ ।

सोमबार चाँदी १२ सय रुपैयाँ कायम थियो ।