काठमाडौं ।सरकारद्वारा गठित अध्ययन समितिले सरकारी संयन्त्रकै मिलेमतोमा सीमा क्षेत्रमा गैरकानूनी आर्थिक कारोबार र तस्करी मौलाएको निष्कर्ष निकालेको छ । प्रतिवेदनले सीमापार अपराधजन्य गतिविधि नियन्त्रणमा दलहरूका दबाब र प्रभावलाई प्रमुख चुनौतीका रूपमा औंल्याएको छ ।

समितिले सीमापार अपराध रोकथाम तथा नियन्त्रण र अवैध कारोबार नियन्त्रणका लागि डेढ दर्जनजति चुनौती पहिचान गरी त्यसलाई सम्बोधन गर्न नीतिगत सुधार आवश्यक रहेको उल्लेख गरेको छ ।

गृह मन्त्रत्रत्रालयले निर्वाचन सुरक्षा तथा व्यवस्थापन, सीमा सुरक्षा स्थिति, अन्तरसरकारी निकायबीच समन्वय, सीमा क्षेत्रबाट हुने तस्करी रोकथाम तथा नियन्त्रणका चुनौतीलगायत विषयमा अनुगमन, निरीक्षण र अध्ययन गरी सुझावसहितको प्रतिवेदन पेस गर्न असोज ३ मा सहसचिव भीष्मकुमार भुसालको संयोजकत्वमा नेपाल प्रहरीका डिआइजी भीमप्रसाद ढकाल, सशस्त्रका डिआइजी किशोर प्रधान र राष्ट्रिसन्धान विभागका अनुसन्धान निर्देशक भीमबहादुर बुढाथोकी सम्मिलित समिति गठन गरेको थियो, आजको कान्तिपुर दैनिकमा खबर छ ।