को हुन् डेंगीबाट निधन भएका मन्त्री थापा ?
काठमाडौं । लामो समय डेंगीबाट थलिएपछ प्रदेश १ का वन, वातावरण तथा तथा भू–संरक्षण मन्त्री शेखरचन्द्र थापाको निधन भएको छ ।
उनी प्रदेशसभामा कांग्रेसका मोरङ ३ (१) का उम्मेदवार पनि हुन् । तर २३ असोजमा उम्मेदवार मनोनयनलगत्तैदेखि स्वास्थ्यमा समस्या आएपछि उनको विराटनगरस्थित नोबल अस्पतालमा उपचार भएकाे थियाे ।
निमोनियासहितको समस्या देखिएपछि काठमाडौं ल्याएर हेम्स अस्पतालमा पनि उनको उपचार गरिएको थियो । २५ दिन उपचार गराएर गराएपछि स्वास्थ्य सुधार भएको भन्दै उनलाई पुनः विराटनगर लगिएको थियो । तर गत सोमबारदेखि उनमा पुनः समस्या देखिएपछि अस्पताल भर्ना भएका थिए । उपचारकै क्रममा बुधबार बिहान १० बजेर ४० मिनेटमा उनको निधन भएको हो । थापाका श्रीमती, एक छोरा र एक छोरी छन् ।
२३ असोजमा उम्मेदवारी मनोनयनदेखि नै स्वास्थ्यमा समस्या आएपछि उनको उपचार भइरहेको थियो । अघिल्लोपटक उनी समानुपातिकबाट सांसद भएका थिए । थापाले गिरिजाप्रसाद कोइरालाको स्वकीय सचिव भएर ८ वर्ष काम गरेका थिए । उनी मोरङको पथरी शनिञ्चरे ८ का बासिन्दा हुन् ।
उनको निधन भएपछि अब नयाँ उम्मेदवारको मनोनयन प्रक्रिया सुरु हुनेछ ।
ताजा अपडेट
-
न्यूनतम पारिश्रमिक निर्धारण समितिको अध्यक्षमा आवेदन माग
-
लुम्बिनीको तराई क्षेत्रमा अत्यधिक गर्मी, घरबाहिर ननिस्कन विभागको अनुरोध
-
कतिबेलाबाट सुरु हुन्छ उपनिर्वाचनको मतगणना ?
-
पहाडी भागमा आज हल्का वर्षाको सम्भावना
-
१५१ परियोजना प्रस्तुतिका साथ तेस्रो लगानी सम्मेलन आज प्रारम्भ हुँदै
प्रतिक्रिया