ललितपुर–३ का उम्मेदवार तोसिमा कार्कीलाई घण्टी बजाउन निर्वाचन आयोगको रोक

प्रतिनिधिसभाको शिक्षा समितिद्वारा पाँच विषयगत उपसमिति गठन

ललितपुर–३ का उम्मेदवार तोसिमा कार्कीलाई घण्टी बजाउन निर्वाचन आयोगको रोक

नेपालवाच २०७९ कार्तिक २३ गते १५:०५

काठमाडौं । निर्वाचन आयोगले ललितपुर–३ का राष्ट्रिय स्वतन्त्र पार्टीका उम्मेदवार रहेकी डा. तोसिमा कार्कीलाई घण्टी नबजाउन निर्देशन दिएको छ ।

घण्टी बजाएर चुनावी प्रचारप्रसार गर्दा ध्वनी प्रदुषण भएको भन्दै आयोगले नबजाउन निर्देशन दिएको हो । प्रचारप्रसार र घरदैलोका क्रममा रास्वपाका उम्मेदवारहरुले आफ्नो दलको चिह्नसमेत रहेको घण्टी बजाउँदै हिड्ने गरेका छन् ।

मंगलबार निर्वाचन आयोगमा आयोजित सर्वदलीय बैठकका केही दलका प्रतिनिधिहरुले रास्वपाका उम्मेदवारहरुले घण्टी लिएर बजाउँदै चुनाव प्रचारप्रसार गरेको र त्यसले आचारसंहिताको उल्लंघन गरेको भन्दै आयोगको ध्यानाकर्षण गराएका थिए ।