काठमाडाैं । फेसबुकको माउ कम्पनी मेटाले ११ हजार भन्दा बढी कर्मचारी एकैपटक कटौती गर्ने घोषणा गरेको छ । मेटाका सीइओ मार्क जुकरबर्गले बुधबार मेलमार्फत आफ्ना कर्मचारीलाई सो को जानकारी गराएका हुन् ।

सेप्टेम्बरको अन्त्यसम्म मेटामा ८७ हजार भन्दा बढी कर्मचारी कार्यरत छन् । फेसबुकबाहेक ह्वाटस्एप र  इन्ष्टाग्रामको कर्मचारीसमेत घटाउने भएको छ । फेसबुकको इतिहासमा पहिलोपटक यति धेरै कर्मचारी निकाल्न लागेको हो । खर्च बढेको भन्दै कर्मचारी कटौती गर्न लागेको मेटाले जनाएको छ ।

गत हप्ता ट्विटरले पनि आफ्ना करिब आधा कर्मचारी हटाएको थियो ।