काठमाडौं । काठमाडौं महानगरपालिकाले सबै किसिमका अपांगता भएका स्थानीय नागरिकलाई सहायक सामग्री वितरण गर्ने भएको छ ।

आर्थिक वर्ष ०७९/८० को नीति तथा कार्यक्रम अनुसार महानगरपालिकाले सबै किसिमका अपांगता भएका स्थानीय नागरिकलाई सहायक सामग्री वितरण गर्न लागेको हो ।

यसका लागि महानगरपालिकाले प्रक्रिया अघि बढाएको छ । यही प्रयोजनार्थ आइतबार मात्रै उसले अपांगता भएका सबै नागरिकलाई ३० दिनभित्र सम्पर्क गरेर निवेदन बुझाउन भनेको छ ।

निवदेन जिल्ला समन्वय समितिको भवन, बबरमहलको भुइँ तलामा बुझाउने व्यवस्था मिलाइएको छ । निवेदनको नमुना सामाजिक विकास विभाग वा काठमाडौं महानगरपालिकाको वेबसाइटबाट डाउनलोड गर्न सकिने महानगरपालिकाले जनाएको छ ।