काठमाडौं । गुल्मी क्षेत्र नम्बर २ बाट प्रतिनिधिसभा सांसदका लागि उम्मेदवार नेकपा एसकी रामकुमारी झाँक्री पराजित भएसँगै पार्टीका जिल्ला अध्यक्षले राजीनामा दिएका छन् ।

नेकपा एमालेका उम्मेदवार गोकर्ण विष्टसँग पराजित भएपछि अध्यक्ष श्रीराम महतले राजीनामा दिएका हुन् ।

उनले समाजिक सञ्जाल फेसबुकमा एक स्टाटस जारी गर्दै आफूले नैतिकताका आधारमा राजीनामा दिएको जानकार दिएका छन् । ‘गुल्मी क्षेत्र नम्बर २ मा भएको पराजयको नैतिक जिम्मेवारी लिँदै पार्टी जिल्ला अध्यक्ष पदबाट राजीनामा गरेको जानकारी गराउँदछु,’ उनले लेखेका छन् ।

२८ हजार ४७६ मतसहित जनमत आफ्नो पक्षमा पारेका विष्ट उक्त क्षेत्रबाट यो चौथो जीत हो ।झाँक्रीले २६ हजार ४४२ मत प्राप्त गरेर पराजित भएकी छिन् ।