काठमाडौं । पर्सा क्षेत्र नम्बर २ बाट जनता समाजवादी पार्टी(जसपा) का प्रदीप यादव दोस्रो पटक प्रतिनिधिसभा सांसद निर्वाचित भएका छन्। ०७४ को निर्वाचनमा पनि उनी यही क्षेत्रबाट पहिलोपटक सांसद चुनिएका थिए ।

पूर्व वन तथा वातावरणमन्त्रीसमेत रहेका उनलाई नेकपा एमालेले समर्थन गरेको थियो । २२ हजार ५३७ मतसहित उनले जीत आफ्नो पक्षमा पारेका हुन् ।

उनका प्रतिस्पर्धि नेपाली कांग्रेसका बागी उम्मेदवार अजयकुमार द्विवेदीले २० हजार ९१७ मत प्राप्त गरे ।

त्यस्तै, राप्रपाका किरणमान डंगोलले दुई हजार ६५१ मत प्राप्त गरे भने लोकतान्त्रिक समाजवादी पार्टीका लक्ष्मणलाल कर्णले एक हजार ११७ मत ल्याए ।