काठमाडौं । रवि लामिछाने नेतृत्वको राष्ट्रिय स्वतन्त्र पार्टीले समानुपातिक सांसदको सूची टुंगो लगाएको छ ।

पार्टीले समानुपातिकतर्फ पाएका मतअनुसार १३ वटा सिट उसको भागमा परेको थियो । जसअनुसार रास्वपाले १३ जना समानुपातिक सांसदको सूची तयार पारेर निर्वाचन आयोगमा बुझाएको छ ।

उक्त सूचीमा आदिवासी पुरुषतर्फ डा ढाका कुमार श्रेष्ठ, खस आर्य पुरुषतर्फ डोल प्रसाद अर्याल, मुस्लिम पुरुषमा असिम साह, मधेसी पुरुषतर्फ मनिष झा परेका छन् । त्यस्तै, आदिवासी महिलातर्फ इन्दिरा राना मगर, सुमना श्रेष्ठ छन् भने थारु पुरुषमा अशोक चौधरी, मधेशी पुरुषमा तपेश्वर यादव, खस आर्य महिलातर्फ डा चन्दा कार्की र निशा डांगी छन् । दलित पुरुषमा सन्तोष परियार र शिव नेपाली छन् भने पिछडिएको क्षेत्रको महिलातर्फ विनिता कठायतको नाम परेको छ ।

पार्टीले प्रत्यक्षतर्फ सात सिट जितेको छ ।