काठमाडाैं । दुनियाँलाई मनोरञ्जन प्रदान गर्ने फिल्म उद्योग आम्दानीको हिसाबले शीर्ष स्थानमा छ । त्यो चाहे बलिउड होस् या हलिउड ।

फिल्म क्षेत्रबाटै एक अभिनेता होस् या अभिनेत्री हिट भएसँगै कमाई पनि त्यही अनुसारको तीव्र रूपमा बढ्दै जान्छ  । साथै उनीहरूको जीवनशैली, विलासिता त्यही अनुरूप बन्दै जान्छ । विश्वमा सबैभन्दा धेरै कमाउने अभिनेताको बारेमा धेरैलाई  थाहा नहुन सक्छ । यसबारे हेराैं :

संसारकै धनी अभिनेता

वर्ल्ड अफ स्ट्याटिस्टिक्सले ट्वीटरमार्फत विश्वकै धनी अभिनेताको नाम सार्वजनिक गरेका छन् । जसमा कुल सम्पत्तिको तथ्यांक पनि खुलाएको छ । वर्ल्ड अफ स्ट्याटिस्टिक्सका अनुसार विश्वकै सबैभन्दा धेरै कमाउने अभिनेतामा जेरी सिनफिल्ड हुन् । उनी अमेरिकन हास्य कलाकार हुन् । उनको कुल सम्पत्ति एक अर्ब डलर छ ।

सोही लिस्टको दोस्रो नम्बरमा अमेरिकन फिल्म उद्योगकै कमेडियन, निर्माता तथा पटकथा लेखक टेलर पैरी छन् । उनको सम्पत्ति पनि एक अर्ब डलर रहेको अनुमान छ । तेस्रो नम्बरमा ‘द राँक’  नामबाट चर्चित अभिनेता ड्वेन जोनसोन रहेका छन् । उनको कुल सम्पत्ति ८ सय मिलियन डलर छ ।

बलिउड अभिनेता शाहरूख खान चौँथो नम्बरमा

वर्ल्ड अफ स्ट्याटिस्टिक्सका अनुसार धनी कलाकारको सूचीमा भारतीय अभिनेता शाहरूख खान चौँथो नम्बरमा छन् । बलिउडमा किङ खान भनेर चिनिने अभिनेता शाहरूखको सम्पत्ति ७७० मिलियन डलर छ । त्यस्तै पाँचांमा अमेरिकाकै मिसन इम्पोसिबल सिरिजका अभिनेता टम क्रुज छन् । उनको सम्पति ६२० मिलियन डलर छ ।

Richest actors in the world:

🇺🇸 Jerry Seinfeld: $1 Billion
🇺🇸 Tyler Perry: $1 Billion
🇺🇸 Dwayne Johnson: $800 million
🇮🇳 Shah Rukh Khan: $770 million
🇺🇸 Tom Cruise: $620 million
🇭🇰 Jackie Chan: $520 million
🇺🇸 George Clooney: $500 million
🇺🇸 Robert De Niro: $500 million

— World of Statistics (@stats_feed) January 8, 2023